kecek klate

Assalamualaikum and may peace be upon yaw..

hoh.. kali ni ambo nok update entry dale bahaso klate.. ayat mudohnyo nok oyak.. bahaso sms klate.. bukae stail hop ore dok tulis tu.. stail klate.. gini lah sene cerito.. stail ambo mesej ngan saen3 ambo... lagu nih lah ruponyo.. pehe ke dop tahu tuh adek kakok kito.. takpo.. kalu dop pehe.. komen lah deh.. tu pon kalu pehe lah ambo suruh komen.. dop pehe sudoh.. hoho

nok cerito gapo pasal kecek klate ni.. ni lah ambo nok oyak nyo.. ambo ni bukae ore klate pon.. ore tranung.. tapi mugo tranung pon.. ore tranung sediri panggil sek3 ambo ni tranung murtad.. nak wat gano.. atas IC meme tulis teganu darul iman.. tapi nok kecek tranung dok reti.. doh nok bui reti kot celoh mano gak adek kakok weh.. kito duduk sepadae doh dengan klate.. ore kapong gapo gop gegeran eh berkencek kelate.. mano nok reti ambo kecek tranung.. suruh kecek utaro? uhh.. laaa.. koho jauh ambo dok reti...

pah nok jadi ko cerito.. habis ngaji sutir malaysia doh ambo round.. pilih tu gak kito U hop mano sero molek skali nok buleh.. dok pikir dalae dado.. kalu buleh dopsei dekat sangat kekgi mok kerek mari.. malu ko saen2.. jauh sangat pon dopsei sangat.. payoh nok kelik.. pah buleh kolupo mo dappo doh.. dekat ngan anok branok.. tokleh kelik kapong jupo mok ayoh... gi rumoh mok sedaro hilang doh rindu dendam membara di jiwo~ aiseh.. skali.. dop seko lasom ambo.. buleh2 hujung dunio nuh.. tepak jin tende ore kato.. nuh utaro nih.. sepade ngn siam.. weh.. brehi gitumo nah ambo ngn sepade2 nih.. pah mugo nok ngaji tu gop.. mari lah kito..
lagho weh jiwp mulo2 mari.. sek3 luai blako.. tanyo sore selangor, tanyo sore kedah, tanyo sore pahang.. pah mano ore klate teganung nyo.. berat gu lawe lagu nih.. aiii.. bokali dea seminggu lebih jugok.. baru lah jupo sore.. ambo tanyo ore mano nyo jawab klate... suko tu gop eh kito... jupo ore kapong.. bia lah.. tganung murtad pon murtad lah.. meme takdok jiwo tganung pon.. murtad negeri takpo.. murtad agamo bahayo.. ambo mintok jauh hop tuh..
pah bebalik ko cerito ambo tu deh.. jupo ore klate tu gop.. tahu ore klate tuh,, ambo pon ho lah.. slaluh.. co ce co ce kecek klate.. bera3 air liur nih nok oyak nyo kecek klate.. suko lah nih.. hepi bedo'oh nah ore kato.. jupo gu hop buleh kecek bahasa ibundo.. skali demo tahu dio balas gapo ko kawe? demo tahu ko dop?  mudoh jah.. dop payoh pon dio jawab.. dop pikir panje pon kalih... mugo derah jah tubik tuh..

takyah cakap kelantan la kat sini.. malu..

astagfirullahalazim.. budok  nih aku lepok atah dahi baru kaba bokali.. buleh nyo kato malu.. purah hangit sungguh.. doh kalu malu sangat gop bakpo aku tanyo sakni panda gi ngaku klate? ngaku ore lua slaluh.. sakit ati ambo dengar ore gini.. kecek agah tey.. kolupo lah konon.. budu tuh bera bauu.. ingat ore dop cae kali.. ambo hop dop klate pon banggo kecek klate.. nyo bulih kato malu.. mitop ngisaf lah deh.. sebelom terlambat..

sekian..

---

Suke tak?? KaLau suKe Like dan KomenLah yer? ^_^

---