Assalamualaikum dan salam sejatera.. Hohoho.. dop tahu bakpo, lepah dok aja
menaip kot klate ni dok, jadi sedak. NOK naip kot luai tu sero po payoh jah. Aiseh,
wat alasan. Tapi tu lah, memandangkan mood klate ambo ado lagi, pagi ni ambo
nok cerito kot klate lagi la deh. Wat mano dop pehe, mitop saen hop pehe tulong
translate deh, bereh?
Ni, cerito lamo doh jadi, tapi baru ado rasa nok kongsi tubik dale dado. Aiseh
, ayat mitok nyepak jh dok. Haha
Kisoh benar ni jadi maso ambo gi penang ari tu, yakni maso ambo bersamo
dengan saen skoloh ambo hop ngaji di USM nuh, Cha tu lah, ambo panggil dio mC
Cha,. Hoo, keno ado mek deh, xdop mek tuh dop sedap besero. Haa, supo dio
panggil ambo lh kalu dio nok cerito, kalu xdop mek depe namo ambo, dop sedap
rasonyo. Mek tu supo ngan pelengkap ayat doh lah, kalu ore luai supo ngan si
bokali. Contoh lah, si Ali dengan Si Abu, hoo.. gitu lah bokali.
Jadi berbalik ko cerito ambo, ambo dok la kato saen so U ambo ni kure aja,
dok. Molek jah blako, *kot*
Cumo, ado so duo point hop dop keno lah di mato ore. Hop mulo2 skali nyo
maso sebelum ambo gi jupo saen ambo mc Cha tu. Mugo hop gi skali ngn ambo tu
hop dok kacik blako. (sebenarnyo raso xdok sore pon hop kacik ngan ambo di U
tuh)
Tapi tu lah, mugo dok kacik blako kea, jadi supo gitu la, sek dio hop kacik
blako jadi ambo sore2 nyo jale2 tadok ore amek peduli. Dop lah, ambo dok la
kato weh, mari iring ambo blako! Jale dekat ngan ambo blako! Xdok pon, tapi wat
lolok, wat lolok deh ore kato, wat lolok baik lah sore duo, ajok ko jale skali,
nig op wat bodo blako, doh la tempat ore dok kenal blako dih.
Pah no 2 nyo, bilo jupo doh ngan saen ambo tu, pah kebetulan tembok pulok
ngan sek U ambo ni, ambo pon introduce la nih.
“KOrang, ni Cha, kawan sekolah aku dulu” hoo,, kecek lua bena ambo, usoho
ni nok approach sek2 demo. Siap oyak so2 lagi namo sek2 demo ko saen ambo, saen
ambo ni gop sengeh tu gop po ore gong doh, demo2 buleh wat bodo dih, paling tea
kelain pah tinggal bodo gitu jah. Weh lah, comey bena prangai sek2 demo. Bukea nok
nguduh, tapi kalu alah kokni lah, kure aja doh tu ore kato. Dok reti nok hormat
kokre. Tidok lah ambo kato nok kato dok suko ngila ngan saen ambo tuh, tidok. Mugo
baru kenal, pelik lah kea nok suko ngila laluh; tapi wat lolok ore kato wat
lolok. Cu wat lolok tanyo, saen jak bilo agi? Saen skoloh ko? Ngaji mano>? Hoh,
pah gi brambuh gih lah nok gi mano pon. Saen ambo nok tanyo lagu tuh mugo sek
demo rama, pah mugo yo tahu doh sek U ambo. Tanyo ngaji mano lagi bodo bena la
dio. Haih, berat gu lawe berat.
Ambo nok wi nasihat lah, bia reti lah hormat ore nih, hormat paling kure
usoho ambo nok introduce tu. Cu tra ambo wat bodo sek2 demo, napok pon gi lalu
gitu jah, haih, tobak ambo jahat laluh. Ko guano? Demo tu besa blako doh,
pangkat adik plop tuh ngan ambo. Bia la setahun jah pon bezo umo, setahun pon
taraf kak doh ambo ni ngn sek demo. Bia reti baso ore kato. Jange wat gong tolo
po beruk gak kito ni, ore Melayu kea, ngaji tu cerdik doh blako 4flat dok flat
ado blako, perangai plop bia cerdik skit deh. Pah ni bo wat gitu deh, malu ambo
ngan sek2 demo.
p/s : mitop maaf lah kalu sero.. selamat hari rayo~~ J)
0 bUdak cOmeL bERucaP :
Catat Ulasan